今晚終於都收到哩張新卡喇，等到頸都長埋。其實尋日已經到咗，但係琴晚我又唔係屋企食，阿爸就唔記得咗攞俾我。不過其實工商銀行個個效率真係XXX，哩張卡係上上個月月尾申請架，仲話乜15日限時辦卡wor，鬼乜。 
不過點都好喇，總算係攞到手喇，唯一唔滿意嘅係個額度，得萬五蚊，之前國張貸記卡都有成兩萬蚊喇！ 
仲話係金卡！唔知搞乜鬼。不過都係鐘意國際卡多啲，哈哈。個張貸記卡過幾天就會攞去cancel咗嘅喇。恩，聽日都要去去銀行搞搞個個線上銀行。 
（最驚去銀行喇，次次去親都鬼死咁多人）
今晚就去返去做gym，成三個禮拜冇去嘅喇，生疏嗮。之後就去咗一個高中同學屋企，好遠啊！ 
好彩返來豬頭有車可以車我返來。哈哈。見返啲舊同學，好多我已經連佢地叫乜名都已經唔記得咗喇，響個度坐唔夠一個鐘就返來喇，本來約定烏龜食宵夜，難得個死人今日冇出街，點知最尾都係拉我底。 
淨賤精唻架！
眼訓喇，早抖
Popularity: 37% [?]
早幾日開始睇哩部佛經，好短嘅一部佛經唻嘅，得200兩字度，不過就覺得幾有領悟。朝早揾咗啲注釋，然後整理下print出來慢慢研究。哈哈。
做成pdf，有興趣嘅朋友可以download去睇下，唔錯架。（有買注釋架，繁體中文）
下載： http://www.mediafire.com/?sq3vh6s4axj
Popularity: 35% [?]
啱啱返到屋企，沖完涼，等啱啱煲嘅滾水攤凍啲，沖蛋白質飲。
今晚係Yin嘅舊歷生日，響度同佢講聲生日快樂先。啱啱同佢睇完《風雲決》返來，有少少夜。頭先仲諗住食埋宵夜先返架，好彩冇。因為家陣仲要每日換藥，本唻同阿爸講咗話聽朝早先換過啲藥，點知阿爸竟然等我返來。 
好感動啊。其實頭先有打俾烏龜架，點知佢同冬瓜，小黑已經食緊，仲就來食完添，跟住就打俾李承錛，想話出來聚下咁，點知佢又啱啱返到屋企，唔想再出返唻。 咪算lor。返到屋企自己食啲嘢就算喇。
本來諗住聽日開始做返gym，但係只手又未好返嗮，唔知點算好。計計下都已經成3個禮拜冇去葛喇， 或者我可以做住啲唔駛用手嘅項目先，但係咁樣又好似冇乜癮咁。 
講返電影啊，老實講嬤嬤地lor，成個廳得5個人響度睇。 
動畫就勉勉強強喇，但係個配音真係好屎！ 聽到任賢齊把聲就想笑，佢唱歌都ok嘅，但係配音wor，真係唔係好啱佢。仲有謝霆鋒，佢本身嘅普通話都唔多掟喇，仲揾去配。 都唔知啲人係諗乜嘢嘅！一句講嗮，45蚊一張飛絕對唔抵！蝕嗮！！ 
去沖蛋白質飲喇，寫住咁多先。早抖！
Popularity: 30% [?]
聽講好有名一套語言學習工具，支持Windows跟Mac OS X。
中文名稱：羅賽塔石碑第三版
英文名稱：Rosetta Stone Version 3
別名：如師通
資源類型：ISO
版本：3.2.11 - 16709
發行時間：2008年
地區：美國
語言：英語,日語,法語,意大利語,俄語,德語,西班牙語,葡萄牙語,阿拉伯語,其他
簡介：
歡迎參加全球學員的Rosetta Stone社團——
全世界超過150個國家的上百萬人正在使用；
超過10000所外國高校各年齡段學生正在使用；
美國國務院、世界500強高級執行官們正在使用；
美國國防部和美國國家宇航局正在使用……
這是一套風靡全球的語言學習軟件，採用了“沈浸式強化訓練”法，使所學的語言和我們的生活緊密地聯繫在一起；
像海綿一樣直接吸收，沒有翻譯；
像學習母語一樣；
你將成為不用翻譯就能理解新語言的語言家。
下載： Read All…
Popularity: 55% [?]
圖片第二波，一共121張，已經差不多刪除了一半。是畢業典禮那天影的
The Flash Player and a browser with Javascript support are needed..
Popularity: 34% [?]
今日又打風球，成日都係度落雨，搞得我冇得出街。雖然冇落雨都唔見得我會出街，但係有得揀點都好過冇得揀啊。仲有可能係打風球嘅關係掛，今晚Plurk另色多人。
喺屋企煲咗成日碟，除咗睇完《疑情別戀》，仲睇咗兩部電影，一部係《Never Back Down》，另外一部係《Vanilla Sky》。兩套戲都嚒嚒地喇，或者唔係好啱我囉。夜晚就睇咗一集新劇《溏心風暴之家好月圓》，我估應該唔錯囉哩套劇。
食晏嗰時就喺網度撞到一個鐘意咗好耐但又唔講嘅人，其實次同佢傾偈我哋講嘢都好曖昧，淨係唔知佢講真定係講笑。好煩啊。
寫住咁多先喇，night
Popularity: 28% [?]
近排都唔知行乜衰運！先係整親隻手，跟住就食錯嘢，又痾又嘔咗兩日，琴日先好番些少。真係當黑啊！唔怪得知風水書上話我今年冇乜運喇。睇唻都係多啲注意自己身體，穩陣啲。
今晚同幾個高中同學仔出街去食雞骨，其實好耐冇食喇，唔知係咪自己口味轉咗，嗰度整嘅嘢已經越來越唔好食。佢今晚都響度，都有排冇見喇，次次見親都發覺自己對佢仲有feel，但係咁又點啫。突然好驚自己哩一世都忘唔到佢？點算哩？？
哩排都係一直留響屋企，一來就要繼續學英文喇，二來就係因為自己未賺錢，唔好意思次次伸手問屋企攞，三來就整親隻手未好返，最後就天氣熱得滯，留響冷氣房好過喇。
早排開始睇《Rich Dad Poor Dad》，早幾日先睇完《What the Rich Teach Their Kids About Money - That the Poor and Middle Class Do Not!》，哩排就睇緊《Rich dad’s guide to investing》，覺得對自已嘅啟發好大，啱啱睇到書入邊話一個人嘅說話可以反映到一個人嘅過去，現在同埋將來，當然係指金錢哩方面喇，聽到魷魚同阿煌講夾伙投資，我突然間覺得好可笑，佢哋跟本連乜叫投資都唔知就話去投資，其實依家有多人都係咁，乜嘢係投資都未知就學人炒股票，炒房地產，結果點？唔駛我講大家都估到喇。
唔寫喇，聽朝仲要早啲起身上堂。早抖
Popularity: 27% [?]
![Terry[一隻耳]](http://www.chong.com.hk/images/logo.gif){kind=logo}
