DK's BLOG

計計下，真係好耐冇響處寫嘢喇已經。次次想寫嘢嘅時候，硬係唔夠“衝動”，諗諗下就算罷。就好似我依家用緊嘅input program咁，本唻諗住堅持用番built-in嘅個個輸入法嘎，但係個個又打唔到廣東字，冇計，都係入過FIT(FUN INPUT TOY)。

其實呢排又真係冇乜好寫，大部分時候響屋企學英文，夜晚就會去做下gym咁。一來來緊就要出去，唔學好啲英文點得啊，到時候去咗個度雞同鴨講咁，咪斬自己辛苦。二來就為咗慳啲錢，出去嘅話要駛大把錢，家陣仲未出去已經駛咗幾皮嘢。仲有自己簽落啲卡數，都係踎響屋企好過喇。而且家陣個天氣，鬼死咁熱。

早排買咗個Apple Airport Express，最新嘅個款喔，哈哈。真係好方便啊，可以同時connect網線喇，Printer喇，仲有speaker添！啱啱買番唻個陣就唔知點樣可以connect我個samsung嘅printer嘎，但係後尾google下就發現可以用SCX-4500嘅driver，爽啊！唯一嘅遺憾就係用唔到scanner，不過用到一個就已經心滿意足嘎喇。

今日晏晝個陣時，我嘅SIGG water bottle終於都寄到喇，呢個係我用全球通嘅積分換架，因為有去做gym，有個水壺會方便得多，收到個陣時仲擺咗個大烏龍添！因為個個底部係有一塊地方sin入去嘎，仲以為係質量問題添，後尾係網度查下先知原來都係咁架。哈哈，不過跟住仲要買啲accessories，好似個個pouch喇，active tops喇，同埋bottle clean tablet，錢啊！！！！！！！！！！！！！！！

過多幾日就要番去學校搞埋啲手續，就算正式畢業喇，回顧返四年，真係好快。一眨眼嗻嘛，睇返自己四年來學到啲乜嘢，好似。。。乜都冇學到咁。。。

食飯先，bye

Popularity: 9% [?]